Reklam
Huawei HarmonyOS 3 əməliyyat sistemini təqdim edib

Huawei HarmonyOS 3 əməliyyat sistemini təqdim edib

Əməliyyat sistemləri
28.07.2022 PAYLAŞIM

    Huawei rəsmi şəkildə HarmonyOS 3.0 əməliyyat sistemini təqdim edib. HarmonyOS-in təqdim edilmiş yeni versiyası elə də böyük miqyasa sahib deyil və özündə bəzi vizual dəyişikliklər ilə artıq mövcud olan funksiyaların yaxşılaşdırılmış versiyalarını birləşdirir. Bundan əlavə olaraq Huawei şirkətinin müəyyən cihazlarına sahib istifadəçilər HarmonyOS 3.0-ın beta testində artıq iştirak edə bilərlər. Beləliklə HarmonyOS 3.0-da hansı yeniliklər var? Sözügedən əməliyyat sistemində mövcud olan Super Device adlı funksiya çoxlu sayda intellektual cihazın dəstəyini əldə edib və beləliklə daha çox smartfon ilə planşet modelində aktiv olacaq. Bu funksiya vasitəsilə cihazları sürətli şəkildə bir-birinə qoşmaq mümkündür. Bu halda cihazlar genişmiqyaslı vahid ekosistemə qoşulurlar.


    HarmonyOS vasitəsilə çalışan smart televizorlarda pult vasitəsilə televizorlardakı səsgücləndiricilər, xarici səsgücləndiricilər və ya naqilsiz qulaqlıqlar arasında sürətli keçidin reallaşdırılması imkanı istifadəyə verilib. HarmonyOS vasitəsilə çalışan smart saatlar isə müxtəlif idman təchizatı ilə sinxronlaşdırıla bilər. Bundan əlavə olaraq avtomobillərdəki ekranlara smartfondakı bütün işlək ekranları köçürtmək olar. Bu öz növbəsində avtomobil ekranında istənilən lazımi tətbiqin istifadəsi imkanını təqdim edir. Smartfon və planşetlərdə vidjetləri qruplaşmalarda birləşdirmək olar. Yəni vidjetlər ayrıca qrup şəklində mövcud ola bilərlər. Bundan əlavə olaraq cihazda yaradılan qovluqların ölçülərini və hətta formalarını da dəyişmək mümkündür. HarmonyOS 3.0-da olan daha bir yenilik tətbiqlərin ikon rəngləri, kateqoriya və ya funksiyalar üzrə smart çeşidlənməsidir.

    Həmçinin istifadəçilər HarmonyOS 3.0 daxilində özlərinin 3D avatarlarını yarada və onları insanlarla ünsiyyətdə istifadə edə bilərlər. Əlavə olaraq qeyd etmək lazımdır ki, tərtibatçılar HarmonyOS 3.0-ın optimizasiyasına əlavə diqqət ayırıblar. Belə ki, yeni əməliyyat sistemi cihazın texniki tərəfini çox yükləmir və daha axıcı çalışır. Android 12-də olduğu kimi HarmonyOS 3.0 də öz ayarlarında konfidensiallıq mərkəzini əldə edib. Sözügedən bölmə əlavə təhlükəsizliyin təmin olunması üçün nəzərdə tutulub. İstifadəçi bu bölmə vasitəsilə hansı tətbiqlərin cihazın kamerasından və ya mikrofonundan istifadə etdiyini təyin edə biləcəklər.  HarmonyOS 3.0-ın ilk beta versiyası Huawei P50 Mate 40 flaqman smartfon seriyalarında artıq aktivdir. Yeni əməliyyat sistemini həmçinin 2021-ci ildə satışa çıxmış Huawei MatePad Pro 12.6 planşetinin istifadəçiləri də nəzərdən keçirdə bilərlər. Əməliyyat sisteminin yeni versiyasının beta testi hələ ki, Çində aktivdir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


22H2 yenilənməsindən sonra Windows 11-də faylların yüklənmə və kopyalanma sürətl..

Windows 11 üçün bir neçə müddət bundan öncə istifadəyə verilmiş 22H2 adlı yenilənmə istifadəçiləri t..


Windows 11 üçün növbəti yenilənmə təqdim edilib

Yeni əməliyyat sistemi üçün təqdim edilmiş növbəti yenilənmə Windows 11-in həm xarici görünüşünə həm..


Android 13-də istifadəyə veriləcək 2 yeni funksiya məlum olub

Avqust ayının sonunda Google şirkəti Pixel smartfonları üçün Android 13 əməliyyat sistemini istifadə..


Android Go-nun aşağı büdcəli smartfonlar üçün texniki tələbləri yüksəlib..

Android əməliyyat sisteminin Go Edition versiyası zəif texniki özəlliklərə sahib smartfonlar üçün nə..


iOS 16 saxta AirPods qulaqlıqlarını təyin edə biləcək

Artıq bugün iPhone istifadəçiləri üçün iOS 16 əməliyyat sisteminin stabil versiyası istifadəyə veril..


iOS 16-nın istifadəyə verilmə tarixi və dəstəkləyəcəyi iPhone modellərinin siyah..

İyun ayında keçirilmiş WWDC 2022 konfransı çərçivəsində Apple şirkəti iOS 16-nı təqdim etmişdi...

×