Hindistan BharOS adlı fərdi mobil əməliyyat sistemini təqdim edib. Təqdim edilmiş əməliyyat sistemi Hindistanın bir çox naziri tərəfindən artıq test edilib. Açıq mənbəli koda sahib BharOS Hindistan hökumətinin dəstəyi ilə JandK Operations Private Limited şirkətinin mütəxəssisləri tərəfindən hazırlanıb. Layihə Hindistanın rəqəmsal müstəqilliyinin təmin edilməsi proqramı çərçivəsində reallaşdırılıb. Məlumatda qeyd edilib ki, BharOS-də əsas diqqət istifadəçilərin konfidensiallıqlarına və özəl məlumatarının qorunmasına ayrılıb.

    Təəssüflər olsun ki, tərtibatçılar bu əməliyyat sisteminin bildirişlər ayarı, əsas ekran vidjetləri və s. kimi özəllikləri barəsində əlavə məlumat verməyiblər. BharOS-də öncədən quraşdırılmış tətbiqlər mövcud deyil. Kənar istehsalçıların və Google şirkətinin standart tətbiqlərini özündə birləşdirən Android-dən fərqli olaraq BharOS vasitəsilə çalışacaq smartfonların istifadəçiləri demək olar heç nəyə sahib olmayan əməliyyat sistemini və tətbiqlərin tələb etdikləri icazələrin tam şəkildə idarə edilməsi imkanını əldə edəcəklər. Bu isə o deməkdir ki, istifadəçilər məcbur şəkildə özlərinə məlum, lazım və rahat olmayan tətbiqləri istifadə etməli olayacaqlar.

    İstifadəçilər BharOS-ə tətbiqləri PASS (Private App Store Services) adlı servisdən yükləyə biləcəklər. Bu servisə isə yalnız detallı analizdən keçmiş və təhlükəsizlik tələblərinə cavab verən tətbiqlər daxil ediləcək. Əməliyyat sistemi Android kimi online rejimdə yenilənəcək. Tərtibatçılar qeyd ediblər ki, yenilənmələr istifadəçilərin iştirakları olmadan smartfona yüklənir və quraşdırılır. Hal hazırda BharOS Hindistanın bir sıra müəssisələrində konfidensial məlumatlarla çalışan istifadəçilər üçün təqdim edilir.