İstifadə etdiyimiz bütün elektronik cihazlar əməliyyat sisteminə malikdir. Ən çox tanış olanları isə Windows və MacOS sistemləridir. NetMarketShare tərəfindən verilən statistik məlumatlara əsasən hal-hazırda əməliyyat sistemlərinin bazar payları məlum oldu. Verilən statistik məlumatlara əsasən ən böyük bazar payına malik olan əməliyyat sistemi 2015-də Microsoft tərəfindən yayımlanan Windows 10-dur. Windows 10-un ümumi bazar payı isə 56.42%-dir. 

        NetMarketShare-in verdiyi məlumatlarda Microsoft-un əfsanəvi əməliyyat sistemi olan Windows XP də yerləşir. 19 yaşı tamam olan sistemin bazar payı isə 1.26%-dir. Qeyd edək ki, bu rəqəmlər Windows 8 (0.57%), ChromeOS (0.42%) və Vista (0.12%) ilə müqayisə etdikdə kifayət qədər çoxdur. Bir digər statistik məlumat isə dünyada 2 milyarddan daha çox kompüter var. Bu nisbət ilə hesablasaq ortaya çıxır ki, hələ də 25.2 milyon kompüterdə Windows XP istifadə edilir. Həmçinin onu da bildirək ki, 2014-cü ildə Windows XP üçün dəstək kəsilib. Bu siyahı da Apple-a məxsus olan MacOS-da yerləşir. MacOS X 10.15 versiyası 3.49%-lik bazar payına malikdir. 4-cü sırada isə 3.21% ilə Windows 8.1 yerləşir.