Samsung şirkəti koronavirusa qarşı dərmanların istehsalı ilə məşğul olacaq
Digər
13.04.2020
Farid Pardashunas
Kaliforniyanın Vir Biotechnology şirkəti ilə olan müqavilə çərçivəsində Samsung Biologics şirkəti koronavirusa qarı dərman preparatlarının istehsalı ilə məşğul olacaq. Dərman preparatlarının istehsalı isə bu ilin oktyabr ayından tez başlamayacaq. Bu barədə Korea Times saytı xəbər verib. Vir Biotechnology şirkəti koronavirusla mübarizə üçün nəzərdə tutulmuş dərman preparatlarını insanlar üzərində yaxın 3-5 ay ərzində sınaqdan keçirtməyi planlaşdırır.
Şirkətin dərman preparatları koronavirusa qarşı olan monoklonal antibədənlər üzərində qurulublar. Samsung Biologics şirkəti isə hazır preparatların istehsalı məsələsində 360 milyon dollarlıq tenderdə qalib gəlib. Hər iki tərəf arasındakı yekun müqavilə may ayına kimi bağlanacaq. Qeyd etmək lazımdır ki, bu, Samsung Biologics üçün ən böyük müqavilədir.
Koronavirus ilə mübarizə üçün nəzərdə tutulmuş dərman preparatlarının istehsalı bu ilin oktyabr ayında başlamalıdır. Lakin dərmanların kommersiya partiyaları gələn ilin əvvəlində satışa çıxacaqlar. Farmakologiya sahəsində olan mütəxəssislərin sözlərinə əsasən antibədənlər əsasında hazırlanmış bu cür dərman preparatları ilk növbədə koronavirusa yoluxmuş pasientlər ilə yaxından təmasda olan tibb işçilərinin qorunmasında yardımçı olacaqlar.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)