Alimlər yadplanetlilər ilə ünsiyyət üçün yeni dil yaradacaqlar
Digər
12.06.2018
Farid Pardashunas
Yeni dilin yaradılmasında METI
(Yer kürəsindən kənar sivilizasiyaların axtarışı üçün tərtib edilmiş layihə)
layihəsinin iştirakçıları məşğul olacaqlar. Bu işdə onlara NASA da kömək edəcək.
Yaradılacaq yeni dilin əsas məqsədi yadplanetli sivilizasiyaya Yer kürəsində
yaşayan insanların xoş niyyətlərə sahib olduqlarını isbat etməkdir. Yeni dilin
yaradılmasından sonra linqvistlər kosmosa mesaj göndərmək istəyirlər. Beləliklə
həmin mesajı əldə edəcək yadplanetli sivilizasiya onu oxuya, anlaya və ya
hansısa digər üsulla dərk edə bilər. Bu barədə Daily Mail saytı xəbər verib.
Yadplanetli sivilizasiya ilə ünsiyyət üçün Yer kürəsindəki heç bir dil yaramır.
Onlarla ünsiyyət üçün tamam fərqli bir şey lazımdır. “Məşhur linqvist Noam
Chomsky həmişə deyib ki, əgər marslılar Yer kürəsinə gəlsələr, onlara elə gələcək
ki, insanlar eyni dilin dialektlərində danışırlar. Yer kürəsində olan bütün
dillər oxşar struktura sahibdirlər. Yadplanetli sivilizasiyanın dili heç olmasa
biraz da olsun bizim dili xatırladacaqmı? Mən buna şübhə edirəm” – deyə METI
layihəsinin təsisçisi Douglas Vakoch bildirib.
Lakin bir çox alimlər (Noam
Chomsky də onlara daxildir) əmindirlər ki, yadplanetli sivilizasiya ilə ünsiyyət
üçün Yer kürəsində olan hansısa dil strukturuna sahib dil də kifayət edir.
Onlar əmindirlər ki, yadplanetli sivilizasiyalar da bizim kimi öz dillərini öyrənirlər.
Təkrarlanan sözləri yadda saxlayır və onları daha qəliz cümlələrdə işlədirlər.
Lakin bu o halda düzgün olar ki, əgər yadplanetlilərin beyni biraz da olsun
insan beyninə bənzəsin. Bununla belə onlar ümumiyyətlə beyinlərə sahib olmaya
bilərlər. Buna görə də Yer kürəsində kommunikasiya üsulları onlar üçün müəmmalı
qalacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)