GitHub Pull Panda servisini aldı
Digər
Code-News
19.06.2019
Emil Nəcəfov
Məşhur GitHub servisi Pull Panda adlı startapı aldı. Bu startap hazırlanma mərhələsində kodun yoxlanılması alətlərini inkişaf etdirir. Bu barədə Vc.ru saytı xəbər verib. Pull Panda-nın hansı qiymətə alınması barəsində məlumat verilmir. GitHub-ın sözügedən startapı almasından sonra onun bütün alətləri GitHub istifadəçilərinin hamısına pulsuz şəkildə təqdim olundu. Pull Panda 3 servisi təqdim edir:
- Pull Reminders hansısa tərtibatçının həmkarına kodun yoxlanılması lazım olan zaman həmin tərtibatçıya avtomatik bildiriş göndərir
- Pull Analytics real zaman ərzində komandanın iş prosesini izləyir və onu düzəltmə imkanını verir
- Pull Assigner kodun yoxlanılması üçün komanda iştirakçıları arasında avtomatik şəkildə həmin kodu yayır.
Bu ayın ortasına kimi olan göstəricilərə əsasən Pull Panda-nın məhsullarından mindən çox şirkət istifadə edir. Onların arasında WeWork, Pivotal Software və Instacar kimi şirkətlər var. Microsoft şirkəti bildirib ki, o, Pull Panda alətlərini GitHub-a inteqrasiya etməyi planlaşdırır. Lakin bunun nə zaman olacağı barəsində bir məlumat verilməyib. Qeyd etmək lazımdır ki, keçən il Microsoft şirkəti GitHub-ı 7.5 milyard dollara almışdı.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!