main-post-cover

    Firefox kodu XBL komponentlərindən tamamilə təmizlənib

    Digər
    Code-News
    10.10.2019
    Emil Nəcəfov
        Mozilla tərtibatçıları bildiriblər ki, onlar Mozilla kodundan XBL (XML Binding Language) dilində olan bütün komponentlərin aradan qaldırılması işini yekunlaşdırıblar. 2017-ci ildən bəri davam edən bu proses çərçivəsində Firefox kodundan XBL istifadə etmiş 300 müxtəlif komponent çıxarılmış və təqribi olaraq 40.000 sətr kod yenidən yazılmışdı. Bu barədə Opennet.ru saytı xəbər verib. Qeyd olunmuş komponentlər isə Web Components bazasında olan analoqlar ilə əvəz ediliblər. Həmin komponentlər isə adi veb texnologiyalar vasitəsilə yazılıb.
        Qeyd etmək lazımdır ki, XBL Firefox interfeysinin çalışma təşkilini reallaşdırırdı və XUL dilində olan vidjetlərin davranışlarını dəyişə bilən komponentlərin yaradılmasına imkan verirdi. 2017-ci ildə isə Mozilla XBL ilə XUL-u köhnəlmiş texnologiyalar siyahısına daxil etdi və Firefox 57-də onların dəstəklərini dayandırdı. Həmin vaxtda həmçinin Firefox üçün olan XBL və XUL əsasında yaradılmış komponentlərin yenidən yazılması işinə start verildi. XBL əsasında qalmış son komponentlər siyahısında ünvan sətri ilə əlavələr meneceri var idi. Lakin onlar Firefox 68-də yeni komponentlər ilə əvəz olundular.
    Linki kopyala