Windows 7 və 8.1 istifadəçilərinə ödənişsiz olaraq təqdim olunan Windows 10 qısa zaman öncə böyük yeniləmə aldı. Dizayn və proqram bölməsində əsaslı dəyişikliklər olunan bu yeniləmə ilə Windows'un versiya nömrəsi 10240 olaraq dəyişdirildi. Bir çox təhlükəsizlik problemlərinin də həll olunduğu bu yeniləmə qarşımıza yeni funksiya çıxdı.
Ekran videosunu və görüntülərini xarici proqram olmadan çəkməyinizə kömək edən bu funksiya bir çox istifadəçini əlavə ödənişdən xilas edəcək. Çox funksional bir proqram olmasa da oynadığınız oyun və proqramlarda etdiyiniz əməliyyatları rahatlıqla çəkə bilərsiniz. Xbox konsolu ilə də əlaqəli işləyən bu funksiyanı Microsoft hesabınız ilə aktivləşdirə bilərsiniz.
Windows + G kombinasiyası ilə ekrana gələn funksiya aktivləşmək üçün sizdən icazə istəyir. İcazə verildikdən sonra sizi qarşılayan Game çubuğu vasitəsilə ekran görüntülərini video kimi çəkə bilirsiniz.
