WikiLeaks, CIA ilə bağlı yeni gizli məlumatları təqdim etdi
Elm & Texnologiya
07.05.2017
Farid Pardashunas
Məşhur WikiLeaks saytı, ABŞ-ın Mərkəzi Kəşfiyyat İdarəsi (CIA) barədə yeni məlumatları yayıb.
Sayt, Vault 7 adlı gizli sənədləri yayıb. Həmin gizli sənədlərdə
idarənin hacker qruplaşması barəsində məlumatlar yer alıb. Sənədlərdəki məlumatlara
əsasən CIA, MDB (Mobile Devices Branch) adlı şöbəyə sahibdir. Həmin şöbə,
smartfonların hack olunması ilə məşğul olur. Sözügedən şöbənin əməkdaşları,
insanların mobil telefonlarını hack edərək mikrofonu, ismarıcları və mobil
telefondakı fotoları əlçatan edirlər. Əməkdaşlar artıq Android sisteminin 24 ədəd
boşluğunu bilirlər. Bu boşluqlar isə öz növbəsində Telegram, WhatsApp kimi
messencerlərin təhlükəsizlik sistemlərinin sındırılmasına yol açır. Lakin MDB
adlı şöbənin əsas hədəfi iPhone modeli smartfonları hack etməkdir. Belə ki,
dünyada ən çox istifadə olunan mobil cihaz məhz iPhone-dur.
Bundan əlavə olaraq CIA-nin həmçinin NDB (Network Devices Branch) adlı şöbəsi də
var. Bu şöbənin əsas işi isə Windows, macOS və Linux sistemli kompüterləri hack
etməkdir. Bunun üçün onlar, müxtəlif tətbiqlər kimi özünü qələmə verən zərərli
viruslardan istifadə edirlər. Bundan əlavə olaraq sözügedən şöbə, böyük şirkətlərdə
şəbəkə infrastrukturunun virusla yoluxması üçün avtomatlaşdırılmış sistem üzərində
çalışır. WikiLeaks tərəfindən təqdim olunmuş gizli sənədlərdə həmçinin CIA-nin,
ağıllı televizorları da hack etməsi barədə məlumatlar yer alıb. Weeping Angel adlı
tətbiq, "Samsung” istehsalı ağıllı televizorların sistemlərinə daxil ola bilir.
Bu zaman televizor sönülü olsa belə fon rejimində tətbiq, mikrofondan istifadə
edərək səsləri yazır və internet vasitəsilə
xüsusi serverə göndərir. Bu hələ həmin sənədlərdəki məlumatların kiçik bir hissəsidir.
Gələcəkdə WikiLeaks daha çox məlumatı paylaşa bilər. Sözügedən xəbər yayılandan
sonra "Samsung” şirkəti buna dərhal reaksiya verdi. Hal-hazırda şirkət bu məsələni
araşdırır.
Linki kopyala
Bənzər xəbərlər
Oxşar xəbərlər
Həftənin xəbərləri
