"Warner Brothers" Öz Saytını Şikayət Etdi!
Elm & Texnologiya
07.05.2017
Farid Pardashunas
Daha əvvəllər
"Lionsgate”in etdiyi səhvi təkrarlayan "Warner Bros" öz saytı başda olmaqla, "Amazon" və "Sky Cinema" kimi platformaları "Google”a şikayət etdi. Film studiosu "Warner
Brothers”, müəllif hüquqlarını pozduğunu səbəb göstərərək öz saytının, axtarış
şəbəkəsi "Google"dan silinməsi tələbini irəli sürdü.
Eyni
zamanda "Google”a, "Amazon” və "Sky Cinema” kimi firmalar tərədindən idarə edilən
qanuni film izləmə saytlarının da bağlantılarının silinməsi istəyi göndərən "Warner
Bros”, film məlumatlarının toplandığı IMDB-yə "VETO” çəkdi.
"Warner Bros”un bu istəyi hər ay minlərlə
saytın bağladılması tələbini irəli sürən "Vobile” tərəfindən "Google”a
çatdırılarkən, "Warner
Bros” hələki mövzu ilə bağlı açıqlama verməyib. Firmanın öz-özünə tətbiq etdiyi
bu maraqlı cəza siyasətinə ilk şərh də "Torrent Freak” adlı xəbər saytından gəldi
və "Vobile”ın "səhvə yol verdiyi” dilə gətirildi.
"Warner Bros”un bu istəyində "Batman" və "The
Matrix" kimi filmlərin rəsmi vebsayt bağlantılarının silinməsi də gözə çarparkən,
lisenziyalı onlayn film izləmə portalları olan "Amazon” və "Sky Cinema” da müəllif
hüquqlarını pozduğu səbəbi ilə şikayət edildi.
"Torrent
Freak” yazarı Ernesto, "Warner Bros”un
qanuni məzmunlara olan çıxışı çətinləşdirdiyi, insanları fərqli metodlara sövq
etdiyini qeyd edərkən, "Təəssüf ki, bu tip səhvlər çox artdı” şərhini də əlavə
etdi. Ernesto, daha əvvəl "Lionsgate” adlı film studiosunun da oxşar səhvi
etdiyini və "Microsoft”un saytında olan "London Has Fallen" filmi üçün müəllif
hüquqları pozuntusu şikayəti etdiyini bildirdi.
"Google”un
şəffaflıq hesabatına görə "Vobile” bugünə qədər 13 milyondan çox bağlantının
silinməsi üçün müraciət etmişdir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!