"Seedstars Baku"ya qeydiyyat üçün son 4 gün! (QEYDİYYAT)
Digər
07.05.2017
Farid Pardashunas
"Seedstars World" Azərbaycandan startaplar axtarışındadır. 3 May tarixində ADA Universitetində keçiriləcək yarışmaya qeydiyyat 28 Aprel tarixində bitir. Qalib komanda ölkəmizi Qzaxıstanda keçiriləcək regional və İsveçrədə baş tutacaq qlobal sammitdə təmsil edəcək.
Startaplar üçün əsas seçim kriteriyalarında layihənin qlobal və regional yönümlülüyü, minumum prototipinin hazır olması, 2 ildən az müddətdə fəaliyyət göstərməsi ( 2 ildən çox yox, yəni yeni yaranmış startaplar) ən ideal variantda isə "traction"ın olmasıdır.
Hər bir startapa maraqlı olan isə yarışlarda olan münsiflər heyyətidir. Bu dəfə Silicon Vadisindən dəvət olunmuş mütəxəssisin iştirakı da nəzərə alınıb. Beləliklə, yarışda iştirak edəcək münsiflər və mentorlar aşağıdakı şəxslərdir:
- Fadi Bishara - Blackbox Akselerasiya Mərkəzinin Akselerasiya Mərkəzinin Rəhbəri
- Fərid Musayev - Modern Investment Group Rəhbər
- Azad Hüseynov - Azercell
- Ceyhun Atayev - PASHABank
- Tatyana Mikayılova - RED Communications
- Daria Golikova - Qafqaz və Qərbi Avropa üzrə təmsilçi - Seedstars World
- Ağahüseyn Əhmədov - Qafqaz və Qərbi Avropa üzrə təmsilçi - Seedstars World
- Katarina Szulenyiova - COO - Seedstars World
Qeydiyyat üçün buraya daxil olun.
Qeydiyyat üçün kod: SSW_Baku_2017
Startapları
üzə çıxarmaq missiyasına uyğun olaraq, Seedstars World ən yaxşı startapları müəyyən
etmək, onlara 1 milyon ABŞ dollarına qədər vəsaiti qazanmaq şansı vermək və
dünyanın müxtəlif yerlərində olan investor və mentorlarla əlaqələr qurmaq üçün
bu il 65 ölkəyə səfər edir.
Seedstars
World Azərbaycanın lider mobil operatoru Azercell-lə yaxından əməkdaşlıq edir.
Barama İnnovasiya və Sahibkarlıq Mərkəzinin rəhbəri, tədbirin yerli təşkilatçısı
və Seedstars səfiri İmran Bağırov bildirib ki,”Seedstars sahibkarlar və müxtəlif investorlar,
bazar oyunçuları və digərləri üçün imkanlarla bol olan qlobal çoxşaxəli
platformadır. Yarışmanın əsas məqsədi - inkişafda olan ölkələrin
sahibkarlarına diqqət yönəltmək, onlara yardım etməkdir. Bu müsabiqə
yerli startapların dünya bazarına çıxması, öz bacarıqlarını nümayiş etdirmək
üçün əla fürsətdir. Azərbaycandan olan 10 ən yaxşı startap hər il İsveçrədə
keçirilən Seedstars Sammitinə qatılmaq imkanı üçün yarışa dəvət olunacaq”.
Qeyd edək
ki, Seedstars inkişaf etməkdə olan ölkələrdə texnologiya və sahibkarlıq vasitəsilə
insanların həyatına təsir etmək məqsədi daşıyan İsçevrənin şirkətlər qrupudur.
Müxtəlif startap axtarışları, şirkətlərin qurulması və sürətləndirmə
proqramları vasitəsilə hazırda bu komandanın 60-dan çox ölkədə sahibkarlara,
investorlara, korporasiyalara və dövlət rəsmilərinə çıxış imkanı var.
Linki kopyala
Bənzər xəbərlər
Oxşar xəbərlər
Həftənin xəbərləri
