"Lenovo" şirkəti, Moto G5 və Moto G5 Plus smartfonlarını təqdim etdi (VİDEO)
Elm & Texnologiya
07.05.2017
Farid Pardashunas
Moto brendinin sahibi "Lenovo” şirkəti, MWC 2017 sərgisində Moto G5 və Moto G5 Plus modellərini təqdim edib.
Bu modellərdən başlayaraq şirkət yalnız Lenovo Moto brendi altında
öz yeni cihazlarını təqdim edəcək. Hər iki smartfon, metal korpusa və eyni
dizayna sahib olmaqla yanaşı həmdə Android 7.0 əməliyyat sistemi vasitəsilə
çalışır. Lenovo Moto G5, 5 inç Full HD ekran, 8 nüvəli Snapdragon 430 prosessoru,
2 GB RAM, 16/32 GB daxili yaddaş (microSD özəllikli), 2800 mAh enerji tutumlu
batareya, 13 MP-lik arxa və 5 MP-lik ön kamera ilə təchiz olunub. Qeyd etmək
lazımdır ki, yeni smartfonlarda şirkət əsas diqqəti yalnız dizayna deyil, həmdə
kamerala ayırıb. Belə ki, keyfiyyətinə görə kameralar, Moto Z Play modelindəkinə
bənzəyir. Yəni onlar flaqman səviyyəsindədirlər. Şirkətin məlumatına əsasən
sözügedən model 2 gün ərzində rahatlıqla şarjsız çalışa bilər.
Lenovo Moto G5 Plus isə daha təkmilləşdirilmiş texniki göstəricilər
ilə qarşımıza çıxır. Belə ki, o, 5.2 inç Full HD ekran, 8 nüvəli Snapdragon 625
prosessoru, 2/4 GB RAM, 64 GB daxili yaddaş (microSD özəllikli), 3000 mAh
enerji tutumlu batareya (Turbo Charging sürətli enerji yığma texnologiyası ilə),
12 MP-lik arxa və 5 MP-lik ön kamera ilə təchiz olunub.
Linki kopyala
Bənzər xəbərlər
Oxşar xəbərlər
Həftənin xəbərləri
