Ken Segall Apple-ı tənqid edib
Elm & Texnologiya
07.05.2017
Farid Pardashunas
Apple məhsullarının reklam konsultantı, "iMac” adının, "Think
Different” sloqanının və "Insanely Simple” kitabının müəllifi Ken Segall The
Guardian qəzeti ilə Apple-ın gələcəyi haqqında söhbət edib. Onun fikrincə Cook
və Jobs tamamilə fərqli liderlərdir. Lakin Cook öz güclü və zəif tərəflərini
yaxşı bilir. "Baxmayaraq ki, Apple məhsullarının alıcıları bu markanı sevirlər,
brendin sədaqətli pərəstişkarlarını bu hal narahat edir. Artıq bir çox insanlar
başa düşürlər ki, Tim Cook-un Apple-ı Steve Jobs-un Apple-ı kimi sadə deyil.
İnsanlar görürlər ki, hər il daha çox cihaz satışa çıxır. Əksər cihazlar isə əvvəlkilərdən
çox da fərqlənmir. Həmçinin yeni cihazların mürəkkəb adları yaranır” – deyə Ken
Segall bildirib. Apple hal-hazırda 3 müxtəlif iPhone, 4 müxtəlif iPad və 3 müxtəlif
MacBook istehsal edir. Apple Watch-u isə müxtəlif aksesuarlar ilə birlikdə təqdim
edirlər. Apple şirkətinin fəlsəfəsi mürəkkəbləşib? Hə yoxsa yox? Bəziləri deyə
bilər ki, saatlar dəb dünyasıdır və bu baxımdan müxtəliflik məntiqi cəhətdən
düzdür. Bundan əlavə olaraq Apple bu baxımdan artıq böyük uğura imza atıb.
Misal olaraq iPod-u gətirmək olar hansı ki, sonradan ayrıca bir cihaz aləsinə
çevrildi.
"Bazar böyüyür və daha mürəkkəb olur. Auditoriya genişləndikcə
daha çox cihaz lazım olur. Əgər Apple alıcıların istəklərini nəzərə almasa
onlar sadəcə olaraq digər istehsalçıların məhsullarına üz tutacaqlar. Bu proses
artıq bir neçə il ərzində gedirdi. O vaxta kimi ki, Apple böyük ekranlı
smartfonları satışa çıxartdı. Bəzən elə hiss yarana bilər ki, Apple-ın məhsul
müxtəlifliyi çoxdur və anlaşılmazdır. Lakin əslində bütün o məhsulları orta
böyüklükdəki stolun üstündə yerləşdirmək mümkündür” – deyə Ken Segall bildirib.
Bu cümlələrdə təndiqdən çox Apple biznesinin bəhanəsi əks olunub. Lakin daha
sonra Ken tənqidə keçid alıb. Yeni iPhone adları onun heç xoşuna gəlmir. S hərfli
modellər istifadəçilərə heç də innovativ gəlmir. Həmin modellər əvvəlkilərdən
xırda funksiyalara görə fərqlənirlər. Əgər əvvəllər marketinq şirkətlərində az
adam iştirak edirdisə, indi bu digər şirkətlərdə olduğu kimi ağır bürokratik
prosesdir. Ken əvvəllər də Apple-ı tənqid edirdi. Lakin o əmindir ki, Apple öz
maraqlı və hamıdan fərqlənən dəbini hələ də saxlayır. Hətda Steve Jobsun-un belə
marketinq sənayesinin bu cür hörmətli şəxsindən məsləhət aldığını nəzərə alsaq
onun fikirlərinə diqqət yetirmək lazımdır. Lakin cihazların adlandırılması hər
bir şirkətin problemlərindən biridir. Modellərin az sayda seçimləri alıcıların
ürəyincə olmur. Seçim çox olduqda isə alıcılar çaş-baş qalırlar. Hamının
zövqünü oxşamaq çətindir. Buna görə də tənqid qaçılmazdır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)