Instagram-dan daha bir Gözlənilməz yenilik!
Sosial Media
07.05.2017
Farid Pardashunas
"Facebook”
tərəfindən satın alındıqdan sonra həm reklam, həm dizayn, həm də yeni
funksiyalar baxımından radikal dəyişikliklər edən Instagram, bu dəfə istifadəçilərinin
çox da alışıq olmadığı yeni funksiyanı təqdim etdi.
Instagram-ın
rəsmi hesabında paylaşılan video ilə birlikdə həm Android həm də iOS əməliyyat sistemindəki Instagram istifadəçilərinin şəkilləri
və videoları yaxınlaşdıra (zoom) biləcəyi açıqlandı.
Açığı, şəkillərdə və videolarda istifadəçilərin heç bir formada yaxınlaşdırma edə bilməməsi
bəzi istifadəçiləri narahat etsə də, Instagramı digər sosial şəbəkələrdən
ayıran fərqlərindən biri də bu idi. Əvvəllər Instagram şəkillərinin keyfiyyəti
zəif olduğu üçün onları yaxınlaşdırmaq mənasız sayıla bilərdi. Ancaq hazırkı
Instagram paylaşımlarının standartları, zoom funksiyasını işə yarayacaq hala gətirib.
Snapchat və digər rəqib sosial şəbəkələri əzərək sosial şəbəkə bazarında Monopoliya yaratmaq istəyən "Facebook”, belə görünür ki, irəlidəki günlərdə Instagram və WhatsApp-da
sürətini azaltmadan yeniliklərinə davam edəcək. Bu iş hara qədər davam edəcək
bilmirik, amma "Facebook”un hədəfi bütün internet istifadəçilərini "Facebook" ekosisteminin bir hissəsi halına gətirməkdir.
Linki kopyala
Bənzər xəbərlər
Oxşar xəbərlər
Həftənin xəbərləri
