Həyatın yaranması üçün ən optimal zaman hansıdır?
Digər
07.05.2017
Farid Pardashunas
Kainatın təqribi olaraq 13.8 milyard il yaşı var. Bizim planet isə 4.5 milyard il bundan öncə yaranıb.
Technote.az-ın "Astronomy.com” saytına istinadən verdiyi xəbərə
əsasən bəzi alimlərin fikrincə zamanlar arasındakı bu fərq digər planetlərdəki
həyatın bizimkindən milyardlarla il böyük olduğunu göstərir. Bununla belə yeni
nəzəri iş güman edir ki, müasir həyat kosmik nöqteyi nəzərdən əslində
vaxtsızdır. "Həyatın nə zaman yaranması sualına bir çoxları "indi” deyə cavab
verirlər. Lakin biz aşkar etdik ki, həyatın gələcəkdə yaranma ehtimalı daha
yüksəkdir” – deyə professor Avi Loeb bildirib. Bizə məlum olan həyat növü 30
milyon il bundan öncə Böyük Partlayış hadisəsi nəticəsində yaranmışdır. Bu həyat
10 trilyon ildən sonra son ulduzların sönməsi ilə yox olacaq. Loeb və onun həmkarları
bu iki sərhəd arasında həyatın yarana bilmə ehtimalını araşdırıblar.
Əsas faktor ulduzların həyat müddəti olub. Ulduzun kütləsi nə
qədər böyükdürsə, onun həyat müddəti bir o qədər qısadır. Günəşin kütləsindən 3
dəfə böyük kütləli ulduzlar həyatın inkişafa başlamasından əvvəl yox olacaqlar.
Və əksinə Günəşin kütləsinin 10%-dən daha az kütləli kiçik ulduzlar 10 trilyon
il ərzində işıq saçaraq həyatın inkişafına öz tövhəsini verəcəklər. Nəticədə həyatın
yaranması ehtimalı zamanla birlikdə artır. Əslində gələcəkdə həyatın yaranma
şansı indikindən 1000 dəfə çoxdur. "Və siz ədalətli olaraq fikir verə bilərsiniz
ki, biz əsla kiçik kütləli ulduzun ətrafında yaşamırıq. Ola bilsin biz vaxtsız
yaranmışıq. Digər variant isə ondan ibarətdir ki, kiçik kütləli ulduzlar həyat
üçün təhlükəlidir” – deyə Avi Loeb bildirib. Baxmayaraq ki, kiçik kütləli
qırmızı cırtdan ulduzların həyat dövrü uzundur, onlar həmçinin böyük təhlükələr
də yaradırlar. Cavan vaxtlarında onlar istənilən planetin atmosferini məhv edə
biləcək ultrabənövşəyi şüalar əks etdirirlər. Hansı ehtimalın (bizim vaxtsız
yaranmağımız və ya kiçik kütləli ulduzların təhlükəsi) həqiqətə daha yaxın
olmasını öyrənmək üçün Loeb bizə yaxın qırmızı cırtdan ulduzları və onların ətrafında
yerləşən planetləri müşahidə etməyi tövsiyyə edir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)