Gənc YouTuber təhlükədədirmi? Videolardan göndərilən gizli mesajlar
Elm & Texnologiya
07.05.2017
Farid Pardashunas
Marina Joyce.. İngiltərədə yaşayan, davamlı olaraq make up
videoları çəkən gənc YouTuber idi. Bir neçə gün əvvələ qədər sadəcə 600000-ə
yaxın abunəsi vardı. Ancaq son 3-4 gün ərzində kanalında inanılmaz artım baş
verib. O artıq bir internet fenomenidir. Amma bu artımın səbəbi isə çox
başqadır…
Marina Joyce davamlı olaraq video çəkən, şən xarakteri ilə
seçilən biri idi. İzləyiciləri onun daim gülərüzlü olduğunu deyirdilər. Lakin
son videolarında Marina Joyce çox qəribə davranmağa başlayır. Artıq əvvəli kimi
videolar çəkmir və videolarda üzündə bir qorxu hiss edilir. Hətta əvvəlki
videolarında səlis danışan qız, artıq sözləri deməkdə çətinlik çəkir və səhvlərə
yol verir.
İlk zamanlarda izləyiciləri qızın dəyişdiyini və əvvəlki həyat
sevgisinin qalmadığını fikirləşirdilər. Buna səbəb kimi isə onu artıq narkotik
maddələrdən istifadə etdiyini fikirləşirdilər. Artıq izləyiciləri buna görə
kanaldan abunəlikdən belə çıxırdı.
Amma vəziyyət bununla qalmadı. Artıq belə
videoların sayı artırdı. Qız istəmsizcə danışır, kəkələyir və saxta gülüşlər sərgiləyirdi. Amma son günlərdə qızın sosial hesabında inanılmaz artım baş verdi. İki gün ərzində 1 milyondan çox abunəyə sahib oldu...
Əvvəllər kameranın lensinə baxan qız, artıq başqa nöqtələrə baxmağa başlamışdı.
Bu hərəkətləri əvvəl narkotik maddələrlə əlaqələndirən izləyicilər, daha sonra
bir videodan şoka düşdülər. Qızın qollarının arxası göyərmişdi..
Artıq bu
videodan sonra izləyiciləri şübhələnməyə başladı. Videolar vasitəsilə qızdan vəziyyət
barədə soruşmağa başladılar. Onlar qıza "Əgər basin dərddədirsə, bir fotona ürək
şəkli qoy” deyə ismarıc yazdılar. Marina bu mesaja cavab vermədi. Amma səhəri
gün burnuna ürək çəkilmiş bir fotosunu paylaşdı.
Daha sonra izləyicilər "Əgər təhlükədəsənsə,
İnstagram profilinə pişik emojisi qoy” dedilər. Bir neçə gün sonra qız profilinə
pişik emojisi qoydu.
Amma hər şey bununla bitmir. Bir videosunda izləyicilər
sol tərəfdə, kiçik şkaf üstündə dərmanlar, sağ tərəfdə isə qapıya söykənmiş bir
silah gördülər. Videolar əsrarəngiz olmasa, bu əşyaların olmasında bir problem
yox idi. Amma bu videolardan sonra izləyicilər daha da təlaşlanmağa başladılar.
Son videolarının birində bir firmanı reklam edirdi. Videonun əvvəlində isə dönən
zaman fısıldayaraq "Help me” deyir. Bu videolardan sonra onu tanıyan dostları
adresinə polis göndərdilər. Amma nəticə yenə qaranlıq idi. Məlum oldu ki,
Marina Joyce artıq 3 aydır ki, orada yaşamır. Bu video digərlərinə görə daha
çox danışıldı. Çünki izləyicilər üçün bir çox şey qaranlıq qalırdı. Videoda bir
əl görünür və qıza duracağı yeri göstərirdi. Ən maraqlısı isə videonun sonunda
evin ikinci mərtəbəsində sağ tərəfdə dəmir barmaqlıqlar olması idi. İzləyiciləri
onun qaçırıldığını və əsir tutulduğunu düşündürdü.
Marina Joyce heç bir mesaja
cavab vemir, tvitlər paylaşırdı. Onun paylaşdığı tvitlərdən biri isə çox diqqət
çəkdi. Yazdığı cümlənin baş hərfləri "HELP” sözünü əmələ gətirirdi. Daha sonra
insanları səhər saat 6da bir partiyə dəvət etdi. İnsanlar artıq həqiqətən nələrinsə
baş verdiyinə inanırdılar. Daha sonra baş hərlərindən "HELP” sözü əmələ gələn
tvit silindi və partinin vaxtı dəyişdirildi.
Bundan sonra bir daha polisə xəbər
verildi. Polislər Marinanı tapdı. Marina heç bir şeyin baş vermədiyini,
narahatçılığa əsas olmadığını bildirdi. Marina daha sonra bir tvit daha ataraq
hər şeyin yaxşı olduğunu bildirdi və canlı yayımda bunu göstərəcəyini açıqladı.
Amma canlı yayımda da qız çox qəribə davranır, kəkələməyə davam edir, hətta bəzən
sözləri deyə bilmirdi. İzləyiciləri "Əgər təhlükədəsənsə, əl çırp, ürək işarəsi
tut” deyə mesajlar atırdı. Marina bu mesajlara həmin an reaksiya vermədi, amma
bir müddət sonra onların dediklərini etməyə başladı. Hətta videonun bir hissəsində
öskürərkən "Help” deyə bir daha səsləndi. İzləyiciləri dəli edən an isə yayımın
sonu oldu. Qız bir şey demək istədiyi an yayım kəsildi. Bundan sonra sosial
media şəbəkələrində, bir çox xəbər saytlarında Marinaya nə olduğu, bunu kimin
etdiyi barədə yazılar yazılmağa başlandı. Kimiləri onu sevgilisinin qaçırdığını
iddia edirdi. Bir videosunu o məhz sevdiyi şəxsə həsr edərək, "Dear Future Me”
adlandırmış və videonu "Mr. I love you” üçün çəkildiyini qeyd etmişdi. "Mr. I
love you” isə sevgililərini öldürən bir obrazın olduğu serialdan idi. Başqa bir
videosunda isə 50-ci saniyədə nəyinsə onu qorxutduğu açıq aydın görünür.
Bu məsələ ilə bağlı bir neçə versiya var. Bəzi insanlar həqiqətən
Marinanın təhlükədə olduğunu, bəzi insanlar bunun abunə sayını artırmaq üçün
qurma olduğunu, bəzi insanlar isə qızın şizofren olduğunu, paranormal hadisələr
gördüyünü qeyd edir. Amma hələ də işin üstü açılmır və sirr olaraq qalır.
Bəs
sizcə, Marina həqiqətən təhlükədədirmi?
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!