Gələcəyin 10 mümkün həyat növü
Digər
07.05.2017
Farid Pardashunas
1000 ildən sonra dünya necə olacaq sualı çox absurd səslənir.
Belə ki, hətda 100 il sonrasını söyləmək qeyri-mümkündür. Hər-halda alimlər və
futuroloqlar gələcəyə aid müxtəlif fikirlər səsləndirərək hətda 1000 ildən
sonra insan sivilizasiyasının mümkün inkişafları haqqında proqnozlar edirlər.
Bundan əlavə nəzəriyyələr bir birilərini təkzib etmək əvəzinə tamamlayırlar.
Yadplanetlilər və robotların insanları məhv etmə yaxud nüvə müharibəsi haqqında
danışmayacağıq. Bu işin öhdəsindən bzim yerimizə Hollywood filmləri onsuz da çox
yaxşı gəlirlər. Uzaq gələcəyə pozitv nöqteyi nəzərdən baxaq.
Yadplanetlilər ilə birlikdə həyat. Niyə də yox? Bəziləri əmindirlər
ki, yadplanetlilər artıq bizim aramızdadırlar. İnsan sivilizasiyasına aid
olmayan yüksək zəkalı yeni həyat növünü aşkar etmək heç də asan iş olmayacaq.
Bunun üçün kosmik texnologiyaları lazımi mərhələyə kimi inkişaf etdirmək
lazımdır. Təhlükəsizlik üzrə bir çox faktorlar nəzərə alınmalıdır. Hər-halda
kainatda yalnız olub olmamaq sualına cavab tapmaq üçün bu cür addım dəyərləndirilməlidir.
Yer kürəsindən uzaqda həyat. Bu cür fərziyyə qəmli səslənsə
belə ən pisi deyil. Bizim planetimiz təbiət fılakətləri nəticəsində məhv ola
bilər. Başqa bir fərziyyəyə əsasən isə təbii qazıntı ehtiyyatları tükənə bilər.
Belə bir hadisə baş verərsə insan özü üçün yeni ev axtarmalı olacaq. Bu
baxımdan Mars yaxşı variant ola bilər. Lakin ən böyük arzular uzaq sistemlərdəki
planetlərdə məskən salmaqdan ibarətdir.
Sonsuz enerji və təmiz ətraf mühitə sahib uzaq gələcək yüksək
dərəcədə inkişaf etmiş nanorobotların ixtirası ilə reallaşa bilər. Onlar suyu və
havanı təmizləyərək günəş enerjisindən istifadə edib insanların tələbatlarını
ödəyə bilərlər. Yer kürəsində hal-hazırda olan problemləri nəzərə alsaq bu cür
texnoloji inqilabın yaxın zamanda olmasını istərdik.
İnsan sayının həddən çox artma probleminin olmadığı bir həyat.
Yer kürəsinin əhalisi hər il 1-1.5% intervalında artır. Belə davam edərsə artıq
100 ildən sonra bu göstərici 2 dəfə artacaq. Bu cür problemin arxasında isə
daha böyük problem olan dünya aclığı durur. Bu problemdən çıxış yolu təkcə
havadan istifadə edərək sağlam qida hazırlayan texnologiyanın yaradılmasnda deyil
həmdə maddi resursların düzgün şəkildə paylanmasındadır.
Texnoloji gələcək təkcə texnologiyanın inkişafı deyil həmdə
onunla birləşmək deməkdir. Müasir dövrdə biz daha çox məlumat və əyləncə
xarakterli cihazlardan istifadə edirik. Çox güman ki, artıq yaxın gələcəkdə
insan gözünə kiçik ekranları yerləşdirmək mümkün olacaq. İnsanla komputerin
birləşməsi göründüyü kimi qorxunc deyil. Hər-halda robotların üsyanı problemindən
uzaq olacağıq.
Zəkalı robotlarla həyat. Sözügedən variant bundan əvvəlkinin
məntiqli davamıdır. Əgər biz yadplanetlilər ilə qarşılaşmasaq bizim
qonşularımız biz tərəfdən yaradılmış zəkalı robotlar ola bilər. Nəzərə alsaq
ki, 100 il ərzində süni zəka necə inkişaf edəcək bu variant ağlabatandır.
Yer kürəsindən kosmosu müşahidə etmək gələcəkdə vacib rol
oynayacaq. Biz kainatın necə çalışdığından əlavə onun Yer kürəsinə verə biləcəyi
zərəri öncədən öyrənə biləcəyik. Təbii ki, bü müşahidələrin arasında yüksək zəkalı
digər həyat növlərinin və yaşamaq üçün
yararlı planetlərin axtarışı da daxildr.
Kosmik səyahət bir çoxumuzun arzusudur. Gələcəkdə bu cür səyahətlər
Yer kürəsində hərəkət etmək kimi rahat olacaq. Lakin burda bəzi faktorları nəzərə
almaq lazımdır. Məsələn sonsuz texnoloji faktlar və kosmosda uzun müddət
qalmağın insan orqanizminə təsiri. Çox güman ki, zamanla insan DNT-də dəyişiklik
bu faktorları aradan qaldıracaq.
Gələcəkdə insan həyatının uzadılması. Bu elə bir təcrübədir
ki, onun üzərində işlər heç zaman bitməyəcək. Bunun həlli tibbi nanorobotlar
ola bilər. Onlar orqanizmi təmizləyə, qoruya, xərçəng kimi ağır xəstəlikləri
aradan qaldıra bilərlər. Bu cür texnologiya sözsüz ki, tibb sahəsində əsl
inqilab olacaq.
Ölümsüz həyat. Bəziləri istəməsə belə bir çoxları
ölümsüzlüyü arzu edir. Bu xüsusiyyət biotexnologiya, nanotexnologiya və ya komputer
ilə insanın birləşməsi nəticəsində olacağı məlum deyil. 1800-cü ildə orta
statistik insanın yaşam müddəti 37 yaş idi. İndi bu göstərici 70 yaşdır. Gələcəkdə
bu ədədin artması yalnız özümüzdən asılıdır.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!