360$-a qədər ala biləcəyimiz donmayan 2 ən yaxşı tablet.
Elm & Texnologiya
07.05.2017
Farid Pardashunas
Mobil telefon və kompüterlər kimi, gün ərzində istifadə
etdiyimiz cihazlardan biri də tabletlərdir. Telefon və notebook arasında bir
pillədə qərarlaşan tablet istehsalında da bazarda kifayət qədər rəqabət var. Samsung, Apple, Huawei və
s. kimi böyük firmalar bu bazarda rəqabət aparırlar. Belə bir vəziyyətdə tablet
istifadəçilərinin ən əsas problemi stabil çalışan və donmayan cihazı tapmaqdır.
Xüsusilə Samsung-un aşağı büdcəli modellərində bu donmalar tez-tez baş verir və
istifadəçilər üçün tabletdə baş verən donmalar ən arzuolunmaz problemlərdəndir.
Bu məqaləmizdə biz sizlər üçün 400$-a qədər ala biləcəyiniz ən yaxşı orta büdcəli 2 tableti təqdim edəcəyik.
HTC Nexus 9 32GB Wi-Fi
Google uzun
müddətdən sonra yenidən HTC ilə əməkdaşlığı çərçivəsində növbəti nexus modelini
təqdim edib. HTC Nexus 9 həm dizayn, həm texniki göstəricilər baxımından diqqətləri
öz üzərinə çəkən bir model olub və hal-hazırda da yaxşı satış statistikalarına
malikdir. Android 5.0 əməliyyat sistemi ilə satışa çıxan HTC Nexus 9 modelinin
ekranı 8,9 düymdür. 2048x1440 piksel ölçülərinə sahib olan ekran IPS LCD texnologiyası ilə hazırlanıb. Tabletin daxilində 2.4 GHZ saat sürətlə çalışan 64
Bit Nvidia Tegra K1 prosessoru yerləşir. Planşetdə qrafik prosessor olaraq isə Keepler DX1-dən istifadə olunub və nüvə sayı ilə diqqət çəkir. Qrafik prosessoru
sayəsində ağır oyunlarda yüksək performans ortaya qoyan HTC Nexus 9, 2 GB operativ yaddaşa malikdir.
16 və 32 GBdaxili yaddaş ilə təqdim olunun bu modelin təəssüf ki, micro SD dəstəyi yoxdur.
6700 mAh batareya gücü isə bu böyüklükdə ekrana malik tablet üçün yaxşı göstəricidir.
Əvvəl ki, Nexus tabletlərindən fərqli olaraq arxa kamerasında flash mövcud olan
Nexus 9, 8 MP-lik arxa, 1.6 MP-lik ön kameranı daşıyır. Cihaz qara, ağ və
qızılı olmaqla 3 rəng çalarına malikdir.
Tabletin ən
önəmli detallarından biri də, HTC One seriyalarında mövcud olan Boomsound səs
gücləndiricilərinə sahib olmasıdır. Rəsmi olaraq Nexus-da Boomsound
texnologiyası adlandırılmasa da, Nexus 9-u HTC istehsal etdiyindən buna başqa
ad verə bilməzdik.
354 dollara Azərbaycana sifariş etməyin mümkün olduğu bu modeli bəyəndinizsə, daha ətraflı məlumat
və sifarişlə bağlı buraya daxil olmaqla məlumat əldə edə bilərsiniz.
Söhbət
donmayan və tutulmayan tabletlərdən gedirsə, Apple istehsalı iPad-lərdən mütləq
söhbət açmaq lazımdır. Bu gün sizlər üçün seçdiyimiz və məsləhət gördüyümüz
orta büdcəli iPad modeli iPad Mini 3-dür.
Apple iPad mini 3 Wi-Fi
Köhnə model
olmasına baxmayaraq stabil çalışan və sizə lazım olan bütün xüsusiyyətləri təqdim
edən iPad mini 3, iPad mini 2-nin Touch ID ilə yenilənmiş versiyası adlandırmaq
olar. Qızılı rəng çalarının da istehsal edildiyi bu model müasir Apple
cihazları kimi 32 GB daxili yaddaş ilə təqdim olunmur. 16, 64 cə 128 GB-lıq
daxili yaddaş ilə təqdim olunan iPad mini 3, 331 qram ağırlığındadır. Apple-ın 1.3 GHZ sürəti ilə çalışan A7 prosessorundan istifadə edən cihaz 1GB DDR 3GB RAM-a sahibdir. 1536x2048 piksel ölçülü ekran 7.9 düymdür. 5 MP-lik iSight kamera ilə satışa çıxan bu modeldə əlavə olaraq 1080p HD kamera, FaceTime HD ön
kamera, daha sürətli MIMO 802.11n Wi-Fi bağlantısı və M7 köməkçi prosessoru yer
alır. iPhone 5s, 6 və 6s istifadəçiləri kimi də iPad mini 3 istifadəçiləri də
Touch ID-dən istifadə etməklə güvənlik səviyyəsini bir üst səviyyəyə daşıya bilərlər.
Qiymətinə gəlincə isə cəmi 291 dollara From.ae vasitəsilə bu modeli dərhal Azərbaycana sifariş edə bilərsiniz. Ətraflı məlumat və yaddaş həcminə görə qiymətlərlə maraqlanmaq üçün buraya daxil olun.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)