Google Play Market-da eyni anda bir neçə tətbiqin yüklənməsi funksiyası istifadəyə verilir
Proqram Təminatı
29.04.2024
Brilyant Rasulova
Bir neçə il ərzində olmuş testlərdən sonra Google şirkəti eyni anda bir neçə tətbiqin yüklənməsi və quraşdırılması funksiyasını özünün Play Market platformasına inteqrasiya edir. Android istifadəçilərini rahatladacaq bu yenilənmə bir neçə tətbiqin cihaza sıra ilə deyil eyni anda birdən yüklənməsini təmin edəcək. Bu funksiyanı test etmək üçün istifadəçi sadəcə olaraq bir neçə tətbiqi eyni zamanda yüklənməyə qoymalıdır. Bu halda istifadəçi görəcək ki, tətbiqlər sıra ilə deyil eyni anda yüklənir və cihaza quraşdırılır. Lakin bu yeni funksiyada bir məhdudiyyət var. Belə ki, eyni anda yalnız iki tətbiqi yükləmək olar.
Əgər istifadəçi eyni anda yükləmə üçün üç ədəd tətbiq seçsə, seçilmiş üçüncü tətbiq yükləmə prosesində olan digər iki tətbiqdən birinin yüklənib bitməsini gözləyəcək. Tətbiqlərdən birinin yüklənmə prosesi başa çatdıqdan sonra isə üçüncü tətbiqin yüklənməsinə start veriləcək. Qeyd etmək lazımdır ki, Google Play Market-dən fərqli olaraq Apple şirkətinin App Store platforması eyni anda üç ədəd tətbiqin yüklənməsini mümkün edir. Hər halda Google üçün bu da böyük bir addım hesab edilir. Qeyd etmək lazımdır ki, Google Play Market-in bu yeni imkanı ilk növbədə Android 14 vasitəsilə çalışan Google Pixel smartfonlarında aktiv olub.
Linki kopyala
Bənzər xəbərlər
Oxşar xəbərlər
Google şirkətinin adı bilinməyən yeni smart saatı sertifikatlaşdırılıb
Google şirkətinin adı bilinməyən yeni smart saatı sertifikatlaşdırılıb
Artıq məlumdur ki, Google şirkəti bu il Pixel Watch 3 adlı yeni smart saatını təqdim edəcək. Lakin ABŞ Federal Rabitə Komissiyası (FCC) Google şirkətinin adı bilinməyən yeni smart saatını sertifikatlaşdırıb.
Süni intellekt artıq Google-da axtarış nəticələrini cavablayacaq!
Süni intellekt artıq Google-da axtarış nəticələrini cavablayacaq!
Google bir müddətdir ki, axtarış sistemini süni intellektə əsaslanan xüsusiyyətlərlə gücləndirmək üzərində işləyir. SGE (Search Generative Experience) adlı xüsusiyyət ilə şirkət istifadəçilərə axtarış sorğularına sürətli və aydın cavablar verən süni intellekt xülasələri təklif edəcək.
Google Pixel 9 Pro-nun real fotoları təqdim edilib
Google Pixel 9 Pro-nun real fotoları təqdim edilib
Son məlumatlara əsasən Google Pixel 9 smartfon seriyasına 3 model daxil olacaq. Pixel 9, Pixel 9 Pro və Pixel 9 Pro XL.
Pixel Buds Pro 2 naqilsiz qulaqlığı sertifikatlaşdırmadan keçib
Pixel Buds Pro 2 naqilsiz qulaqlığı sertifikatlaşdırmadan keçib
Google şirkəti bu il Pixel Buds Pro 2 naqilsiz qulaqlığını təqdim etməlidir.
Google Android 15-ə NFC üzərindən şarj funksiyasını əlavə edəcək
Google Android 15-ə NFC üzərindən şarj funksiyasını əlavə edəcək
İnsayderlərin vermiş olduqları məlumata əsasən Google şirkəti Android 15-ə NFC üzərindən şarj funksiyasını əlavə etməyi planlaşdırır.
Həftənin xəbərləri
